Para sa mga nanonood ng sine…..

Dear Kiko,

Sana po ay matulungan niyo po ako sa problema ko. Nagtratrabaho po kasi ako dito sa isang sinehan sa isang malaking mall bilang usher—ako po yung nageescort ng mga manonood sa kanilang mga upuan bago magstart ang isang pelikula.

 Pangkaraniwan na pong problema dito ang pag gamit ng cellphone habang tumatakbo po ang takilya. Kahit po sabihin o ilagay sa poster na bawal gumamit ng cellphone ay siya pa ring gamit ng ilang manonood na labis namang kinaainisan ng iba.

 Ano po kaya ang maipapayo niyo sa akin para matugunan namin ang isyu na ito.

 Gumagalang,

Sammy Guion

Ang sagot ni Kiko;

Alam mo Sammy matagal tagal na rin akong naiinis sa mga ganyang klaseng tao—‘yung tipo bang mahirap paliwanagan. Ganito po ang aking maipapayo sa inyo.

Kumuha po kayo ng dyaryo, mas maganda po sana kung broadsheet at hindi tabloid.

Irolyo niyo po ito at tumayo po kayo sa tagiliran ng sinehan na habang tumatakbo ang pelikula ay nandun lang kayo. ‘Wag bibitawan ang dyaryo.

Kapag may narining kayong cellphone na tumunog at nakitang ginamit o sinagot ng may-ari ay dahan dahan niyo po itong lapitan. Mas maigi po sana kung hindi niya nararamdaman ang inyong paglapit sa kanya.

Kapag nasa distansya na kayo na malapit at eksaktong eksakto ay hatawin mo ng nakarolyong dyaryo sa ulo, sabay sambit ”Sinabi naman hong bawal gumamit ng cellphone”

Umalis at tumakbo ng matulin papalabas.

Lumipat naman sa kabilang sinehan para magmasid uli.